Sapel boutey
Sapel Boutey
In serk mazik
Inn ti landrwa frazil
Konm la vi
So donm inn kaz baba
Asiz a ou là
Asiz a ter
dan lo sab la pousyèr
Lés ot larm koulé
Létan maziné
radmaré le san
radmaré la ène
i sakouy le monn antyé
Sapel Boutey
In landrwa pou souvnans
In landrwa pou pran konsyans
Lès ot kèr kozé
pou in mésaz la Pé
In sèl mésaz
Dan ot langaz
Dan tout langaz
In sèl mésaz
Sapel boutey
In landrwa pou pléré
la soufrans la rer antyé
Sapel magiz
benyé ek briyan soley
béni ek limyèr fonnsyèl
In landrwa for
konm la Vi
Ris konm in promès zanfan
In landrwa pou priyé
In landrwa pou émé
In landrwa pou pardoné
In landrwa pou kré
ansanm
dan fon d'kèr
Jérusalemn Nouvelle
Anne Cheynet Saint-Pierre 9 octobre 2002
Commentaires